لا أبد مو سهلة

هذا الشعر مهدآت الى العزيز علي الربيعي

فرق بين إلي يمشي أمغمض أبليلة
والمفتح أعيونه ويركض أبظهره
وانه دنياي ظلمه ابغيرك اوماشوف
دربي والجرم يعثر ألف عثرة
وأنة بلياك أعمة وليلي خالي انجوم
وإذا يمي أحسك ينكلب گمرة
أبد مو سهله اعوفك يا ضوة أعيوني
ولا سهلة البلابل تترك الشجرة
بحر من ألوفة أدريك يا غالي
وانه گطرة وتضيع أبحرك ألگطره
علي متنام ليلك أدري يا عمري
وبگلبك دريت اموجرة ألجمرة
مو بيد أودعك يشهد العباس
على اوداعك بچيت أبدمعة الحسرة
يا نبضة فؤادي البية عاش أسنين
من بعدك حبيبي اگليبي شيصبرة
علي لا تعتب اعتب عل وكت هذا
اليخذل كل وفي وكل خاين اينصرة
روحي ما تودعك قررت يفلان
صعب كلش علية حبك أتنكره
الجسد هو اليودعك يا اعز انسان
ولأن ودعك منة الروح تتبرة

تحياتي
اباذر الربيعي