بغداد...ما ادري اتغزل بيج لو ابجيج

ما ادري اتغزل بيج
ما ادري اواسيج
ليش ياعيني
مو جنتي حلوة الحلوات
ضحكتج متفارك شفاج
متحمله وصابره عالنوايب
تاليها اول الدنيا تصيرين خرايب
ليش ياعيني
وين الهيبه......وين الطيبه
وين ناسج
وين غيرة الحبيب
عالحبيبه
وين الغيره
وين طبع الناس الحلو الماشفت مثله بأي ديره
وين الهوى العذب
واللي يمر بكل درب
وين ضحكة الاطفال
اندفنت الضحكات والامال
وين السماح
ليش كل طبع حلو بها البلد راح
حتى الطير هاجر
ظل بنص سماج حاير
ما ادري اصبر نفسي ما ادري اصبرج
شوكت يامحنه تنفرج


منقول

شكرا على المرور

شا عر مبدع وكلمات جميله لك مني كل الود والتقدير